Kumakarga...

Bembem-pow~

Nung isang isang isang gabi pa, biglang tumawag saken ‘yung nanay ko, na ikinagulat ko dahil hindi naman ‘yun basta basta tumatawag o nagrereply sa mga text namin, kahit na required kaming mag-text sa kanya every now and then (para lang daw malaman niyang buhay pa kami at may kakayanang mag-text).

Nagtataka kong sinagot ‘yung cellphone ko, tapos si nanay natatawang sinabi saken kung bakit bigla siyang napatawag: eto daw pamangkin kong si Bembem, habang nanonood ng Wowowee (o kung anuman ‘yung program ni Willie na ‘yun sa gabi), eh biglang sinabi out of the blue: “Nasan na ba ‘yun si tito, miss na miss ko na ‘yun ah! I-text mo nga, lola Nors!” (Lola Nors tawag niya kay nanay Nora ko eh). Ayun, kaya daw sila biglang tumawag, kahit daw si nanay eh nagulat dahil bigla bigla lang daw nagsabi ‘yung pamangkin ko na ganun. Ilang weekend na kasi akong hindi nakakauwi sa amin dahil late lagi ang dating ng sweldo sa kumpanya namin (or rather, on time, hindi nila ina-advance. Kung ang akinse ay Linggo, hindi sila magpapasweldo ng Biyernes, sa Linggo talaga, huhuhu).

So ayun nga, kinausap ko ‘yung pamangkin ko sa telepono, at panay kwento at daldal ng kung anu-ano, hindi ako makasingit. Pero ang natandaan ko eh ‘yung kwento niya na ‘yung toroto daw niya (na dala namin sa kanya ni Cy nung bagong taon) eh sira na raw dahil hindi na tumutunong. Natatawa na lang ako tapos tinanong ko siya, Bakit ka pa magto-torotot, eh hindi na New Year! Sabi naman niya syempre, Eh basta lang tito! Ayaw pa nga daw niya ipatapon ‘yung dahil daw gagamitin pa niya, kahit na hindi na napapakinabangan, hehe. Medyo nakaka-tats lang dahil parang feeling ko napakahalaga nung torotot na ‘yun sa kanya dahil regalo namin ‘yun sa kanya dati, heheh.

Tapos pinipilit talaga niya ako umuwi sa weekend, sabi ko baka hindi pako umuwi dahil wala pakong sweldo. Nako, nagpaawa effect sa telepono tapos sabi, Dapat wag ka na magsu-sweldo eh, dapat uuwi ka na agad, miss na miss na kita eh!! Tapos bigla kong narinig si nanay, kinuha na ‘yung cellphone, kasi daw nagluluha na si Bembem dahil nga pinipilit akong umuwi. Tapos binigay na ulit ni nanay sa kanya ‘yung phone, tapos sabi ko na lanag, Uwi na lang ako dyan kapag may sweldo nako ha, para bibilhan kita pasalubong na Jollibee, okey? Ayun, pumayag naman ‘yung tiyanak, kahit na medyo humihikbi pa ng konti ‘yung kumag. Hehe.

Ayun, medyo matagal narin akong hindi naluluha ah, nun lang ulet. Ka-sweet ng mga bata.